Nudar en il Rain


Sparta:
Natira ed ambient
  • Praticas socialas
Chantun:

Descripziun

Nudar en il Rain è dapi blers tschientaners insatge fitg popular a Basilea. En il 15avel tschientaner faschevan mungias da la claustra Klingental bogn en public ils dis da chalira la stad e provocavan uschia ils sentiments morals da la populaziun. Il 19avel tschientaner è vegnì scumandà il nudar en il Rain avert. La Societad per l'utilitad publica («Gesellschaft für das Gute und Gemeinnützige») ha alura inizià la construcziun da bogns publics. Pervia dal grond success èn vegnids construids en pauc temp 4 bogns, dals quals èn en funcziun actualmain anc 2. Ils onns 1930 è il Rain puspè vegnì avert per nudar. Oz nodan la stad mintga di tschients da persunas en il Rain e cun ellas sa movan ils satgs da nudar ch'èn vegnids inventads il 19avel tschientaner. In dals puncts culminants da la stagiun da nudar da la stad è il nudar en il Rain a Basilea che vegn organisà dapi l'onn 1980 da la secziun da Basilea da la Societad svizra da salvament. Passa 100 persunas sa participeschan mintga onn a questa occurrenza. Intginas abitantas ed intgins abitants da Basilea van er mintga di a nudar en il Rain, e quai da tut temp e da tutt'aura.

Gallaria d'illustraziuns

  • Al nudar en il Rain che ha lieu mintga onn sa participeschan passa 1000 dunnas ed umens, 2000 © Claude Giger/picturebâle
  • Il 19avel e 20avel tschientaner è il nudar en il Rain daventà in divertiment per la populaziun da la citad da Basilea, s.d. © Archiv chantunal da Basilea
  • Il bogn avert Breitebad, in dals bogns averts dal 19avel tschientaner ch'è anc en funcziun, s.d. © StABS, Basel
  • Ils dus bogns averts istorics da Basilea èn lieus da scuntrada en il quartier sco er lieus da quietezza per star a sulegl, s.d. © StABS, Basel
  • Al nudar en il Rain che ha lieu mintga onn sa participeschan passa 1000 dunnas ed umens, 2000 © Claude Giger/picturebâle
  • Il 19avel e 20avel tschientaner è il nudar en il Rain daventà in divertiment per la populaziun da la citad da Basilea, s.d. © Archiv chantunal da Basilea
  • Il bogn avert Breitebad, in dals bogns averts dal 19avel tschientaner ch'è anc en funcziun, s.d. © StABS, Basel
  • Ils dus bogns averts istorics da Basilea èn lieus da scuntrada en il quartier sco er lieus da quietezza per star a sulegl, s.d. © StABS, Basel

Referenzas e dossier

Publicaziuns
  • Eugen A. Meier: Badefreuden im Alten Basel. Samt einer Beschreibung der historischen Gesundbrunnen im Baselbiet und im Leimental. Basel, 1982

  • Otto Neeracher: Bader und Badewesen in der Stadt Basel und die von Baslern besuchten Badeorte. Dissertation an der medizinischen Fakultät der Universität Basel. Basel, 1933

Dossier
  • Schwimmen im Rhein

    Ausführliche Beschreibung Ultima modificaziun: 05.09.2012
    Dimensiun: 248 kb
    Tip: PDF