L'Escalade


Sparta:
Praticas socialas
Chantun:

Descripziun

«Ed uschia vegnan mazzads ils inimis da la republica!» Sfratgond en tocs in avnaun da tschigulatta festiveschan las Genevrinas ed ils Genevrins mintg‘onn lur victoria nunspetgada sur il Duca da Savoia. Cun passa 2000 mercenaris ha quel attatgà la citad la notg dals 11 als 12 da december 1602. Ad ina truppa da bundant 200 umens èsi gartegià da raiver sin il mir da la citad. L'attatga ha pudì vegnir dustada grazia al curaschi da la populaziun – surtut da la Mamma Royaume che ha, tenor la ditga, svidà in avnaun cun schuppa buglienta sur ils mercenaris inimis. Questa attatga nocturna è sa fitgada per adina en la memoria da las Genevrinas e dals Genevrins. La tradiziun da sfratgar en tocs in avnaun è dentant documentada pir dapi l'onn 1881, ma festas commemorativas da questa victoria vegnan celebradas dapi l'onn 1603. Questa festa tant solenna e sfranada ha chaschunà durant in lung temp discordanzas tranter ils aderents d'ina reconstrucziun dals eveniments istorics e las Genevrinas ed ils Genevrins che preferivan ina mascarada e che han transfurmà la Fête de l'Escalade il 19avel tschientaner en ina spezia da pitschen tschaiver refurmà.

Sco vair simbol per il spiert revoluziunari ed independent da las Genevrinas e dals Genevrins dat la festa als pli pitschens la chaschun da batter porta tar ils vischins e da chantar per in zic munaida u per in pèr zutgerins «Ah la belle Escalade» u «C’é qu’è lainô». Questa chanzun è ina da las ultimas restanzas dal dialect savoiard. La fin d'emna il pli datiers da la data da l'attatga han lieu differentas festas da costums e cortegis cun pleds uffizials. En la catedrala Saint-Pierre vegn salvà in cult divin per la Fête de l'Escalade, al qual vegnan envidads aderentas ed aderents da differentas religiuns. Dapi l'onn 1978 vegn er organisada l'emprima fin d'emna da december cun la «Course de l’Escalade» ina cursa tras la citad ch'è daventada precis uschè legendara.

Gallaria d'illustraziuns

  • Protocol da la sesida dal Cussegl da Genevra ils 12.12.1602, las 8 la damaun, davart las tentativas da las truppas savoiardas da conquistar la citad © AEG, 2005
  • Protocol da la sesida dal Cussegl da Genevra ils 12.12.1602, las 8 la damaun, davart las tentativas da las truppas savoiardas da conquistar la citad © AEG, 2005
  • Transcripziun dal protocol da la dumengia, ils 12.12.1602, davart las tentativas da las truppas savoiardas da conquistar la citad © AEG, 2005
  • Héraut: Festa commemorativa da la Escalade en la curt da la catedrala Saint-Pierre © L. Buscarlet/Cie de 1602
  • Dama Royaume: cortegi istoric da l'Escalade © Ph. Pedat/Cie de 1602
  • Dunnas ed uffants: cortegi istoric da l'Escalade © Ph. Pedat/Cie de 1602
  • Sin ils fastizs dal Duca da Savoia lantscha la gruppa paschaivla da curriduras e da curridurs l'attatga sin Genevra © Ass. Course de l'Escalade, 2007
  • Il «Bourg-de-Four» en il center da la citad veglia da Genevra daventa il terren preferì da las curriduras e dals curridurs ils pli giuvens © Ass. Course de l'Escalade, 2010
  • Parc des Bastions: passa la gruppa colurada da curriduras e da curridurs da tut las religiuns sut ils egls vigilants dals refurmaturs © Ass. Course de l'Escalade, 2010
  • Cult divin per la «Fête de l'Escalade» © Eddy Mottaz/Eglise protestante de Genève, 2010
  • Cult divin per la «Fête de l'Escalade» © Eddy Mottaz/Eglise protestante de Genève, 2010
  • Protocol da la sesida dal Cussegl da Genevra da la dumengia, ils 12 da december 1602, las 8 la damaun, davart las tentativas da las truppas savoiardas da conquistar la citad © Archives d’Etat de la République et Canton de Genève, 2005
  • Protocol da la sesida dal Cussegl da Genevra da la dumengia, ils 12 da december 1602, las 8 la damaun, davart las tentativas da las truppas savoiardas da conquistar la citad © Archives d’Etat de la République et Canton de Genève, 2005
  • Transcripziun dal protocol da la sesida dal Cussegl da Genevra da la dumengia, ils 12 da december 1602, las 8 la damaun, davart las tentativas da las truppas savoiardas da conquistar la citad © Archives d’Etat de la République et Canton de Genève, 2005
  • Héraut: Festa commemorativa da la Escalade en la curt da la catedrala Saint-Pierre © L. Buscarlet/Cie de 1602
  • Dama Royaume: cortegi istoric da l'Escalade © Ph. Pedat/Cie de 1602
  • Dunnas ed uffants: cortegi istoric da l'Escalade © Ph. Pedat/Cie de 1602
  • Sin ils fastizs dal Duca da Savoia lantscha la gruppa paschaivla da curriduras e da curridurs l'attatga sin Genevra © Association Course de l'Escalade, 2007
  • Durant in di daventa il «Bourg-de-Four» en il center da la citad veglia da Genevra il terren preferì da las curriduras e dals curridurs ils pli giuvens © Ass. Course de l'Escalade, 2010
  • En il «Parc des Bastions» passa la gruppa colurada da curriduras e da curridurs da tut las religiuns sut ils egls vigilants dals refurmaturs © Association Course de l'Escalade, 2010
  • Cult divin per la «Fête de l'Escalade» © Eddy Mottaz/Eglise protestante de Genève, 2010
  • Cult divin per la «Fête de l'Escalade» © Eddy Mottaz/Eglise protestante de Genève, 2010

Referenzas e dossier

Publicaziuns
  • Monique Bertossa : Ceux de 1602. Ed. Compagnie de 1602. Genève, 1977

  • Comité du 350e anniversaire de l’Escalade (Ed.) : L’Escalade de Genève, 1602. Histoire et tradition. Genève, 1952

  • Eugène-Louis Dumont : 1926-1976. Carnet de bord de la Compagnie de 1602. Ed. Compagnie de 1602. Genève, 1977

  • Jean-Pierre Ferrier : Histoire de la fête de l’Escalade. In : L’Escalade de Genève, 1602. Histoire et tradition. Genève, 1952, p. 489-530

  • Bernard Lescaze : Escalade et coutumes de table. De quand date la marmite en chocolat ? In : Revue du vieux Genève no. 21. Genève, 1991, p. 92-96

  • Pierre Morath, Philippe Longchamp : La Course de l’Escalade. Miroir de son temps, héritière des siècles. Yens sur Morges, 2002

Multimedia
  • Ah, la belle Escalade 
    Concert de carillon pour l'Excalade  
    Ein Beispiel für die Kunst des Carillon-Spiels
    Ref. Fonoteca naziunala svizra:
    DAT664 Tr. 2

Dossier
  • L'Escalade

    description détaillée Ultima modificaziun: 24.08.2012
    Dimensiun: 280 kb
    Tip: PDF