Torrée (grillada en il liber)


Sparta:
Praticas socialas
  • Natira ed ambient
Chantun:

Descripziun

Tar ina dretga torrée tutga in saucisson da Neuchâtel che vegn zuglià en in fegl da giabus, en in palpiri da mazler surtratg, en palpiri da gasettas u en aluminiun e pargialà in bel di sulegliv en la burnida d'in fieu a l'ur dal guaud. Latiers datti tartuffels, salata, paun ed autras delicatessas sco er in magiel vin ed in zic mustarda per rinforzar l'aroma. Tut ils Neuchâtelais tgiran questa tradiziun; ella è daventada oz ina festa da famiglia u ina festa tranter amis. Oriundamain è ella dentant sa sviluppada en connex cun lavurs da runcada dals purs che stuevan proteger lur pastgiras da la derasaziun dal guaud e che stuevan perquai realisar mintg’onn in'acziun da runcada per tgirar las surfatschas utilisadas da lur bains. Els prendevan mintgamai cun sai ina liongia e la brassavan en il grond fieu fatg cun las restanzas da la runcada. D'ina acziun liada ad in intent specific è sa sviluppada la torrée ad in divertiment da temp liber. Ma tgi che la pratitgescha, prova tuttina da respectar la natira e da far attenziun da chattar in lieu adattà e da puspè rimnar il rument. Ils selviculturs recumondan ina plazza libra, lunsch davent avunda da plantas giuvnas, e da plunar crappa enturn il fuclar. L'occurrenza è daventada uschè populara ed impurtanta per la regiun che la citad da Le Locle organisescha mintg‘onn per las persunas che vegnan ad abitar là ina gronda torrée per sensibilisar uschia ils novs abitants per l'effect identitar da las torrées.

Gallaria d'illustraziuns

  • Preparaziun dal fieu © Hugo Guillaume-Gentil, Patrick Pointaire, 2011
  • Saucisson da Neuchâtel © Hugo Guillaume-Gentil, Patrick Pointaire, 2011
  • Scenas d'ina torrée © Fonds Fernand Perret/Département audiovisuel de la Bibliothèque de la Ville de La Chaux-de-Fonds
  • Scenas d'ina torrée © Fonds Fernand Perret/Département audiovisuel de la Bibliothèque de la Ville de La Chaux-de-Fonds
  • Scenas d'ina torrée © Fonds Fernand Perret/Département audiovisuel de la Bibliothèque de la Ville de La Chaux-de-Fonds
  • Preparaziun dal fieu © Hugo Guillaume-Gentil, Patrick Pointaire, 2011
  • Saucisson da Neuchâtel © Hugo Guillaume-Gentil, Patrick Pointaire, 2011
  • Scenas d'ina torrée © Fonds Fernand Perret/Département audiovisuel de la Bibliothèque de la Ville de La Chaux-de-Fonds
  • Scenas d'ina torrée © Fonds Fernand Perret/Département audiovisuel de la Bibliothèque de la Ville de La Chaux-de-Fonds
  • Scenas d'ina torrée © Fonds Fernand Perret/Département audiovisuel de la Bibliothèque de la Ville de La Chaux-de-Fonds

Documents da video

Hugo Guillaume-Gentil, Patrick Pointaire: torrée, 2011 © Hugo Guillaume-Gentil, Patrick Pointaire

Referenzas e dossier

Publicaziuns
  • Base de données lexicographiques panfrancophone, 2011

  • Chambre neuchâteloise d'agriculture et de viticulture (Ed.) : Plan de gestion intégrée pour le site pilote du Communal de La Sagne. Neuchâtel, 2008

  • Valérie Miéville-Ott, Vincent Barbezat : Perceptions du pâturage boisé. Résultats d’un sondage effectué au Communal de La Sagne NE. 2008

  • William Pierrehumbert : Dictionnaire historique du parler neuchâtelois et suisse romand. Neuchâtel, 2008

  • André Thibault : Dictionnaire suisse romand. Particularités lexicales du français contemporain. Ed. Pierre Knecht. Carouge-Genève, 2004

Dossier
  • La torrée

    description détaillée Ultima modificaziun: 04.01.2013
    Dimensiun: 1537 kb
    Tip: PDF
    Il document da video selecziunà è fitg grond. I vegn recumandà da guardar el cun ina connexiun da wifi.